Gweithwyr o Gymru yn
cyflwyno dysgu i ASDA

Mae gweithwyr yng nghanolfan ddosbarthu ASDA yng Nghas-gwent yn gwneud dysgu yn flaenoriaeth diolch i ganolfan ddysgu learndirect ar y safle a sefydlwyd gyda chymorth Coleg Gwent. Gavin Shakesheff o ASDA yn astudio gyda learndirect yn y gwaith Roedd angen rhaglen hyfforddi hyblyg ar gyfer dros 1000 o staff sy’n gweithio shifftiau parhaus yng nghanolfan ddosbarthu ’r archfarchnad ASDA yng Nghas- gwent, ac ar ôl ymgynghori â chynghorydd yng Ngholeg Gwent, cyflwynwyd arddull dysgu hyblyg learndirect i’r manwerthwr. Y Cynghorydd Datblygu Pobl, Frank McMillan sy’n cydgysylltu’r prosiect.Meddai: “Awgrymodd y grwp sy’n cynrychioli ein gweithwyr y dylid agor canolfan ddysgu ar y safle a chyflwyno rhaglen hyfforddi i roi cyfle i’r staff wella eu sgiliau. “Mae cyrsiau learndirect yn cynnwys amrywiaeth eang o bynciau ac yn rhoi cyfle i ’r staff ddysgu gan bwyll bach, gan ddysgu yn ystod seibiannau, cyfnodau tawel a hyd yn oed yn eu hamser eu hunain gartref. “Roedden ni ’n awyddus i gydweithio â darparwr dysgu a allai fodloni ein holl anghenion. Mae rhai o’n staff yn dilyn cyrsiau   llythrennedd a rhifedd sylfaenol tra bod eraill yn gweithio tuag at gymwysterau’r Sefydliad Arweinyddiaeth a Rheoli. “Rydyn ni wedi agor canolfan ddysgu bwrpasol ar y safle yn cynnwys cyfrifiaduron a mynediad i’r rhyngrwyd fel y gall staff droi at eu cyrsiau ar unrhyw adeg. Mae dros 40 aelod o staff eisoes wedi bwrw iddi ac mae’r ymateb wedi bod yn gadarnhaol iawn.” Mae Roger Shakesheff, 60, o Gasnewydd yn gweithio yn adran rheoli stoc ASDA ac mae wedi dechrau cwrs TG learndirect yn y ganolfan ddysgu newydd yn ddiweddar. Meddai: “Roeddwn i am ddysgu mwy am gyfrifiaduron. Rwy ’n gwybod sut i ddefnyddio ’r rhaglenni rydw i eu hangen ar gyfer fy ngwaith, ond mae fy nealltwriaeth yn weddol sylfaenol.”				Hyfforddwr sy’n gweithio yn y storfa yw Dave Hopkin, 54, ac mae wedi dilyn nifer o gyrsiau TG sylfaenol gyda learndirect. Meddai: “Rydw i wedi bod yn cyrraedd y gwaith cyn i ’m shifft gychwyn er mwyn gweithio ar fy nghwrs ac rydw i wedi defnyddio fy awr ginio i astudio hefyd. Mae hyblygrwydd yr arddull dysgu yn wych ac rydw i bendant yn bwriadu gwneud rhagor o gyrsiau.” Gweithwyr ASDA yn astudio yn eu canolfan ddysgu learndirect ar y safle Meddai Jeff Greenidge, pennaeth learndirect yng Nghymru: "Nod cyrsiau learndirect yw gwneud dysgu’n haws ac yn fwy hygyrch i unigolion a busnesau. Mae bwlch sgiliau sylweddol yng ngweithlu Cymru a chyfrifoldeb cyflogwyr yw cymryd camau i ddatrys y sefyllfa hon. “Nod learndirect yw darparu hyfforddiant syml, cyfleus a chost-effeithiol ac mae’n galonogol iawn gweld cyflogwyr a gweithwyr yn cael budd o’n strwythur hyblyg.”.

Argraffu'r dudalen		Yn ôl i'r brig

Hafan     Tudalen 1  |  Tudalen 2  |  Tudalen 3  |  Tudalen 4  |  Tudalen 5  |  Tudalen 6 |  Saesneg