Rhagair gan Bennaeth Ufi Cymru

Jeff Greenidge, Pennaeth Ufi Cymru Rhwydwaith cryf I wireddu’r amcanion rydyn ni wedi’u gosod ar gyfer learndirect, mae angen i ni weithio gyda phartneriaid sy’n cytuno â’n cenhadaeth ac yn barod i symud i’r un cyfeiriad ar yr un cyflymder. Mae angen i ni sicrhau bod ein rhwydwaith yn drefnus fel ei fod yn darparu ein strategaeth ledled Cymru, er mwyn cynnig y cyfleoedd gorau posib i ddysgwyr ym mhob cwr o’r wlad. Diolch a chroeso I gloi, hoffwn ddiolch i Huw Evans OBE am ei gyfraniad at ddatblygiad strategol Ufi Cymru, wrth iddo adael Bwrdd Ufi. Datblygodd Huw nifer o drefniadau newydd yng Nghymru, yn cynnwys y model darparu newydd a pherthynas newydd gyda Bwrdd Ufi a’r Cyngor Cenedlaethol, ELWa. Yn sgil hynny, hoffwn groesawu aelod newydd i Fwrdd Ufi Cymru, sef Brynley Davies, Pennaeth Coleg Ystrad Mynach.

Mae’r rhifyn hwn o Newyddion yn cynnwys pob math o straeon sy’n adlewyrchu’r amrywiaeth eang o waith mae Ufi yn ei wneud yng Nghymru a’r effaith mae learndirect yn ei chael. Gwerth am arian Mae gwerth am arian wrth wraidd popeth a wnawm ac mae’n rhaid i ni fod yn rhagweithiol wrth wario arian cyhoeddus i sicrhau bod y manteision yn cael eu rhannu mor eang â phosib. Mae’r drwydded newydd a gyflwynwyd i ddarparwyr learndirect yng Nghymru, yn cynnig mwy o dryloywder o ran deall lle a sut mae arian cyhoeddus yn cael ei wario ar weithgarwch learndirect. Mae hwn yn gam pwysig ymlaen yn nod Ufi Cymru o fod yn sefydliad sy’n ychwanegu gwerth. Gweithio gyda rhanddeiliaid Wrth weithio gyda rhanddeiliaid, gallwn symud yn nes at ein hamcanion gyda dealltwriaeth gadarn o’r ffordd rydyn ni’n cyflawni rhan o ’r agenda ddysgol ehangach ar gyfer pobl Cymru. Mae ELWa, ac yna Llywodraeth Cynulliad Cymru,wedi cymeradwyo £650,000 o gyllid ychwanegol ar gyfer 2004/05, i gefnogi’r gwaith o ddarparu rhaglenni sy’n gysylltiedig â learndirect yng Nghymru. Rydyn ni’n gweithio’n agos iawn gydag ELWa i sicrhau bod y ddarpariaeth yn dryloyw ac yn canolbwyntio ar anghenion y dysgwr bob amser. Canolbwyntio ar gryfderau Mae mwy na 60,000 o   ddysgwyr wedi bod ar gwrs learndirect yng Nghymru hyd yn hyn, gyda thros 11,000 yn dilyn bron i 18,000 o gyrsiau yn ystod y flwyddyn academaidd hon. Mae Ufi Cymru yn gweithio’n llwyddiannus gyda darparwyr i ddiwallu anghenion unigolion, cymunedau a busnesau ledled Cymru. I sicrhau ein bod yn cynnal ac yn datblygu’r safonau uchel hyn o ddarpariaeth mae’n rhaid i ni barhau i ganolbwyntio ar ein cryfderau. Targedu dysgwyr penodol Cryfder learndirect yw ei natur hyblyg a gallwn ni fanteisio’n llawn ar hyn i dargedu ein marchnad yn strategol. Mae’n bosib teilwra learndirect i gyd-fynd ag anghenion busnesau, cymunedau ac unigolion mewn amrywiaeth o sefyllfaoedd. Gellir ei dargedu at ddysgwyr sy’n anodd eu cyrraedd a gall oresgyn rhwystrau a allai atal pobl rhag dysgu gyda darparwyr addysg traddodiadol. Gall unigolion deimlo eu bod yn cael eu heithrio am nifer o resymau - daearyddol, cymdeithasol neu bersonol ond gyda learndirect, gallwn ni weithio i’w cynnwys a galluogi iddyn nhw gymryd rhan.

Argraffu'r dudalen		Yn ôl i'r brig		Hafan

Hafan     Tudalen 1  |  Tudalen 2  |  Tudalen 3  |  Tudalen 4  |  Tudalen 5  |  Tudalen 6 |  Saesneg