Gan ddefnyddio cyrsiau ar-lein learndirect i gynorthwyo anghenion sgiliau sylfaenol ar draws cwricwlwm coleg Llandrillo, mae carfan arbenigol o'r coleg wedi datblygu rhaglen dysgu cyfunol a dull arloesol o asesu sgiliau sylfaenol. Stephen Bowkley, Rheolwr Partneriaeth learndirect Coleg Llandrillo
Mae'r coleg wedi datblygu rhaglen asesu ar-lein er mwyn gwneud diagnosis o fylchau sgiliau myfyrwyr, a thrwy ddefnyddio cyrsiau sgiliau sylfaenol ar-lein learndirect i ddarparu'r hyfforddiant sydd angen, mae'r prosiect yn defnyddio gwahanol fathau o adnoddau TGCh a thiwtoriaid i wella effeithlonrwydd a ansawdd y ddarpariaeth a'r cymorth o sgiliau sylfaenol trwy'r coleg.
Meddai Vaughan Williams, Cydlynydd Sgiliau Sylfaenol Coleg Llandrillo: “Roedd yna le i wella yn ein dulliau asesu a chymorth sgiliau sylfaenol. Roedd yr hen sustem yn defnyddio profion papur cenedlaethol, a oedd yn llafurddwys i diwtoriaid farcio â llaw. Ar ôl cwblhau y profion yn 2003, dangosodd fod dros 2000 o fyfyrwyr o wahanol meysydd cwricwlwm ar draws y coleg â anghenion sgiliau sylfaenol, roedd angen i ni fynd i'r afael â'r mater er mwyn
gwneud y broses yn fwy effeithiol a hawdd ei drin”.
“Trwy ddatblygu asesiad ar-lein ar gyfer myfyrwyr, fe deimlom y fantais o farcio ddi-oed; gyda'r holl wybodaeth wedi'i gysylltu'n uniongyrchol i amgylchedd dysgu rhithwir y coleg”.
“Pan fo disgyblion yn cael eu clustnodi â diffyg sgiliau sylfaenol, rydym ni'n eu cyfeirio nhw at gronfa-ddata sgiliau sylfaenol learndirect. Mae tiwtoriaid personol yn gweithio â disgyblion i greu rhaglennu dysgu unigol, sy'n cyfuno cynllun gwersi ar bapur a chyrsiau learndirect i gynnig profiad dysgu cyfunol.”
Meddai Rheolwr Partneriaeth learndirect Coleg Llandrillo, Stephen Bowkley: “Gyda nifer fawr o fyfyrwyr angen rhyw fath o tiwtorio sgiliau sylfaenol, mae angen dull o ddysgu allwn ni ei
ddosbarthu, ac mae cyrsiau ar-lein learndirect yn ffordd gyfleus ac effeithiol o ddosbarthu dysgu strwythurol i nifer o bobl. Wedi'i gyfuno a chymorth tiwtor, mae wedi profi i fod yn ffordd arbennig o lenwi bylchau sgiliau ar draws y cwricwlwm.”
“Mae learndirect yn cynnig ystod eang o gyrsiau sgiliau ar gyfer bywyd o safon uchel. Mae llawer o gyrsiau learndirect wedi'i cysylltu â chymwysterau cydnabyddedig cenedlaethol, felly rydym ni yn gobeithio symud dysgwyr ymlaen i brofion sy'n galluogi pob unigolyn i adael â chymhwyster.”
Meddai Pennaeth Ufi Cymru, Jeff Greenidge: “Mae'r gwaith arloesol sy'n cael ei wneud yng ngholeg Llandrillo i newid dull asesu sgiliau sylfaenol a chymorth ardraws y cwricwlwm yn deilwng o ganmoliaeth. Trwy ddull carfan, mae staff dysgu wedi creu a gweithredu rhaglen ddysgu gyfunol lwyddiannus i fyfyrwyr ardraws y cwricwlwm”.
“Yn naturiol, rydym ni yn falch fod y rhaglen yma yn hybu dysgwyr i ddefnyddio adnoddau ‘sgiliau ar gyfer bywyd' learndirect i cwrdd â'i anghenion, ac mae angen amlygu y rhaglen gynhwysfawr yma sydd ar waith yng ngholeg Llandrillo fel model o arfer da.”
